عندي حلم

بقالي فترة كبيرة عايز أوصل لحل لسؤال كده بس عايز حل جذري ،إجابة واضحة

هي أمتنا،أمة الإسلام محتاجة ايه؟؟؟ عالم ولا داعية؟؟؟؟؟؟؟؟؟؟؟؟؟؟؟

بالنسبة لي انا شايف اننا محتاجين عالم ،كفاية الجهل و التخلف اللي بقينا فيه ،طبعا احنا محتاجين دعاه ،احنا محتاجين من يذكرنا بكلام الله و هدي النبي صلي الله عليه و سلم بس انا واحد انا أنسان واحد لو أردت ان أكون ؟ أكون عالم و لا داعية

مش معني عالم انه هيكون جاهل بدينه بس عالم يثري العالم بكتبه

كان عندي حلم من و انا في إعدادي هندسة و غمضت عيني و شطح بي خيالي و انا واقف بستلم جائزة نوبل و قدامي المئات من عباقرة العالم و مطلوب مني دلوقتي أقدم كلمة ،أي كلمة

شطح بي خيالي و ذكرني بأستفتاح النبي في الخطبة : إن الحمد لله نحمده و نستعينه و نستهديه و نستغفره و نؤمن به و نتوكل عليه و نثني عليه الخير كله .................................. فقد وفقني الله عز و جل بما حققته و لم أكن لأحقق شيئا إلا بإذن الله فنحن خلقنا الله لنعمل و ننتج نحن أمة الإسلام أعزنا الله بالإسلام لسنا جهلة و لا إرهابيين و لكننا قوما منتجين عقلاء لسنا همجيين و لكننا منطقيين نعمل لما خلقنا الله له ............................... " ،تخيلت الجمع اللي قدامي فيه عدد كبير من العلمانيين و الذين لا يؤمنون بوجود لله

و لكن لما واحد يكون زي ما بنقول الأول عليهم فالناس بتبص بنظرات إعجاب و أقتناع بكلامه

يمكن ربنا يرزقني و أحقق الحلم ده أو ربنا يرزقنا بعالم هو اللي يحقق الحلم ده مكاني بس مهم جدا انه يتحقق

مهم جدا و انا أظنه فرض عين علينا إننا نتعلم و نعلي صح و ننتج و نخترع و نبتكر و نفكر و لو فكرنا نحاول ننتج الفكرة ، مين عارف ؟ يمكن في الفكرة ديه تقدمنا

اللهم يا أرحم الراحمين أستعملنا و لا تستبدلنا و أرزقنا يا ربي ان نكون سببا في نهضة هذا الدين و علو شأنه و أنتشلنا يا ربنا من ظلمات الجهل إلي أفاق النور و العلم و المعرفة ، إنك ولي ذلك و القادر عليه